आजचा काळ आपल्या असण्यापेक्षा दिसण्यावर जास्त भर देणारा आहे. मग आपण कसे दिसतो ते बघणे ओघाने आलेच. साहजिकच मग आपले रूप न्याहाळायला आरसा लागणारच. पण मला मात्र या आरशात डोकावल्यावर एक विचार स्पर्शून गेला, आपण जसे दिसतो तसे आरसा दाखवतो पण आपण जसे असतो तसे दाखवण्यात हा आरसा कमी पडतो. आपण आतून कसे आहोत ते सांगण्यासाठी आरसाच काय करायचा ? आपण मात्र त्या बिचाऱ्याची उगीच फसवणूक करतो. आपल्या आतला खरा चेहरा झाकून ठेवून नीटनेटका दुसराच कोणी आपण असल्याचा फसवा आभास निर्माण करतो...निदान मी तरी तसे करतो आणि त्याची जाणीव दर वेळी आरशासमोर गेलो की मला होते म्हणून........
आजकाल मी राजरोसपणे
आरशालाही फसवतो,
त्यात दिसणारा भला कोणीतरी
मीच असल्याचं भासवतो.........!!!
कोणत्याही टिप्पण्या नाहीत:
टिप्पणी पोस्ट करा